NOTA SOBRE AS FICHAS INTERACTIVAS

Seguramente en máis dunha ocasión sucedeu que algunha das fichas interactivas propostas non funcionou. Isto débese á gran cantidade de conexións que se producen nun mesmo tempo, así que nos vos preocupedes, se non van ben pódense deixar para outro momento e facer aquelas que son de escribir no caderno. 

Tamén pode ocorrer que a corrección dalgunha ficha dea respostas erróneas cando estas están ben (sobre todo en actividades de comprensión lectora). Neste último caso o que conta é a resposta acertada da comprensión, sen ter en consideración a corrección da propia ficha (ao ser resposta libre pode dar como resposta incorrecta unha resposta que é correcta).

Queremos transmitir con esta nota tranquilidade á hora de realizar as tarefas, somos conscientes das dificultades engadidas que as actividades que non funcionan provocan, por iso recomendamos ou ben deixalas para outro momento ou ben intentar facelas nunha folla ou libreta. 

Grazas e moito ánimo, para calquera consulta nos tedes á vosa disposición nos enderezos electrónicos facilitados no blog. 

Unha gran aperta do profesorado de primeiro. 

SEMANA DAS LETRAS GALEGAS 2020

Esta semana é a semana das Letras Galegas. 

Aquí tedes un vídeo que circula polas redes moi representativo da gran riqueza da nosa lingua e cultura, e tamén tedes unhas actividades relacionadas co autor homenaxeado este ano: CARVALHO CALERO

ACTIVIDADES: 

TITORÍAS VIRTUAIS

A través da aplicación ABALAR, ou ben mediante o enderezo electrónico de cada clase, podedes solicitar unah titoría telemática coas titoras (a través da plataforma usada para os recreos virtuais). 

Para solicitala polo abalar tedes, arriba á esquerda, un menú (3 raias horizontais) onde aparece o apartado de "titorías". Entrade nel, tedes á dereita na parte de arriba un signo (+). Premedes nel e elixides á titora. Á hora e data posta por defecto é martes de 6 a 7, pero podedes cambialo premendo enriba. Só falta pór un breve texto en observacións e premer arriba á dereita en "Aceptar". 

Nós responderemos polo mesmo medio en canto nos chegue a solicitude.

Enderezos de cada aula: 

1ºA: profesoniaredondela@gmail.com

1ºB: maorge1@gmail.com

1ºC: tripulacion1a@gmail.com

XOGO DE DETECTIVES

CAMBIOS NO BLOG DE PRIMEIRO

AVISO A TODAS AS FAMILIAS DE PRIMEIRO

O vindeiro luns cambiaremos o formato do noso blog. Así, en lugar de ter asignaturas teremos os días da semana para que vos sexa máis doada a planificación do traballo diario.

Este será o horario proposto:

LUNS	MARTES	MÉRCORES	XOVES	VENRES
Mate	L. Galega	L. Castelá	Ciencias	Mate
Música	Inglés	E.F.	Reli/valores	Plástica

Cando chegue o luns entraredes na pestana “LUNS” e alí teredes actividades de matemáticas

e música  xa que son as dese día. Así co resto de días da semana. 

Asimesmo continuaremos coas lapelas de “o balcón de primeiro”, “aniversarios”,

“galería de arte”, “contos e lecturas”, “emociónate” e “orientación”

para que nos enviedes as fotos, vídeos ou enlaces de cousiñas interesantes

que ides facendo na casa. 

Tamén incluiremos unha pestana con material a maiores para cando o necesitedes.

Aquí teremos recursos e enlaces dos que xa dispuñades antes para seguir traballando e experimentando a maiores.

 E, como gran novidade,  teremos unha lapela denominada “XIMCANA” con propostas desta índole

para entreternos estes días na casa en familia e recordar os nosos venres do cole.

➤➤Cada venres colgaremos un cuestionario moi rápido sobre como vos foi durante a semana.

Serán preguntas sinxelas para saber se o traballo é claro, doado/difílcil, demasiado/escaso…

para nós poder adaptarnos ó mellor posible ás vosas necesidades.

É MOI IMPORTANTE que todo o alumnado CUBRA ESTE CUESTIONARIO semanalmente,

pois serviranos como  o sistema de seguimento que dende a administración se nos solicita.

Estará á vosa disposición desde o venres ata o domingo de cada semana.

Lembrade que seguides tendo á vosa disposición os mails de 1º A, B e C

para poñervos en contacto coas titoras e así resolver calquera dúbida. Recordámolos:

• 1º A  : profesoniaredondela@gmail.com
• 1º B: maorge1@gmail.com
• 1ºC: tripulacion1a@gmail.com