FAMILIAS INTRÉPIDAS

Deixámosvos os últimos vídeos sobre métodos educativos.

Como xa sabedes para as matemátics estamos seguindo o método ABN e agora que xa o ides coñecendo imos amosarvos os diferentes tipos de restas. Mirade este vídeo:

Vídeo tipos restas ABN

Agora propoñémosvos unha presentación sobre como fomentar a creatividade e nos dan varias ferramentas que poden ser moi útiles. Anotádeas que logo hai que indagar máis para usalas.

LUNS 25 DE MAIO
Esta é a segunda semana que vos propoñemos actividades para as familias que queiran saber máis sobre a educación de hoxe en día.
Irémolas deixando ao final desta páxina.


Queridas familias:

Sabemos que nestes últimos meses estades a ter que ser nais/pais e, ademais, docentes das vosas fillas e fillos e isto non é doado.

 O profesorado do noso nivel, en primeiro lugar, queremos transmitirvos o noso agradecemento polo enorme esforzo que isto supón dentro, ademais, da compexidade da situación. En segundo lugar queremos darvos ánimos para continuar nesta liña de traballo e colaboración co colexio que estades a demostrar. E por último, os nosos desexos de que esteades ben e que as nosas vidas vaian indo cara á normallidade dentro do posible.

Para todas aquelas familias que aínda tedes tempo e gañas para dedicarlle á educación escolar creamos esta lapela que só pretende afondar en aspectos académicos que poden ser do voso interese.

Polo tanto, este apartado non vai destinado ao alumnado senón a aquelas persoas da famlia que queren saber máis sobre a educación hoxe en día, metodoloxías que seguimos, cursos, propostas, charlas, curiosidades…

Imos empezar deixándovos 2 propostas:

Método ABN (táboa do 100)

• Un vídeo-titorial sobre como sumar na táboa

sumas táboa 100

• Un vídeo-titorial sobre movementos na táboa do 100
  Dominio da táboa do 100
  
  
  
  Tamén vos deixamos unha proposta moi interesante do Pazo da cultuta en Pontevedra. Son charlas on-line sobre como fomentar a lectura nas famlias. Hainas todos os venres ás 18h. 
  
  
  Escola Virtual de Lectura

DEIXÁMOSVOS NOVAS PROPOSTAS DE APRENDIZAXE PARA FAMILIAS

Unha de matemáticas onde nos explican os niveis de conteo nas nenas e nenos.

Todos han de pasar por eles, non podemos saltar ningún:

nivel corda, cadea irrompible, cadea rompible, numerable bidireccional.

Tamén vos deixamos un pequeno vídeo a modo de presentación de

José Ramón Gago, un profesor e neuropsicólogo que insiste na importacia

de introducir cambios nas metodoloxías educativas. Se vos gusta hai moito

máis sobre el na internet. A nós gústanos moito.